Ora dimërore rikthehet të dielën më 29 tetor dhe akrepat lëvizin 60 minuta pas, për shkak të ndryshimit nga ora verore në orën dimërore.
Nuk është arritur ende një marrëveshje për propozimin e katër viteve më parë të Komisionit Evropian për heqjen e ndryshimit sezonal të orës në javën e fundit të tetorit. Në vitin 2019, propozimi u mbështet nga Parlamenti Evropian, por ai duhet të miratohet nga shtetet anëtare.
