Të paktën 34 persona kanë vdekur kur një anije që mbante migrantë nga Jemeni u përmbys në brigjet e Xhibutit, ka thënë të hënën Organizata Ndërkombëtare për Migracionin (IOM).
Anija, e cila po kontrollohej nga kontrabanduesit e njerëzve, besohet se mbante 60 pasagjerë, ka njoftuar IOM në Twitter, pa dhënë detaje të mëtejshme të tilla si kur ndodhi incidenti.
Vdekjet janë bërë të zakonshme në ujërat pranë Xhibutit dhe zakonisht përfshijnë migrantë nga Etiopia ose Somalia që përpiqen t’i shpëtojnë varfërisë dhe luftës në vendlindje duke gjetur punë në Arabinë Saudite ose Emiratet e Bashkuara Arabe.
Aty përfshihen migrantë të mundshëm që janë bllokuar në Jemen pasi nuk kanë arritur të kalojnë në Arabinë Saudite, ndonjëherë për shkak të kufizimeve të koronavirusit dhe vdesin gjatë kthimit.
