Erion Veliaj dhe shefi i UKT, Elton Kacidhja e kanë nisur shtatorin me një mega aferë. Jo pak, por 600 milionë lekë kanë vjedhur këtë herë nga fondet e bashkisë. Dyshja e aferave të forta, ka firmosur këtë herë tenderin me objekt “Blerje karbon aktiv për ukt sh.a”. Me pak fjalë do të blejnë karbon për të bërë filtrimin e tubacioneve, edhe pse dihet që uji në shtëpitë tona sërish i papijshëm do të jetë.
Dhe pa u menduar gjatë ata kanë vënë në dispozicion 600 milionë lekë për këtë tender. Tre firmat Albania Distribution chemikals, Ë.CENTER SH.P.K dhe 2 AT”sh.p.k kanë paraqitur ofertat e tyre për të marrë pjesë në garë. Por, dy të parat Kacidhja nuk i ka lejuar fare, i ka përjashtuar menjëherë në fazën e parë.
Kështu, mbeti vetëm oferta prej 520 milionë lekësh e paraqitur nga 2 AT”sh.p.k. Pavrësisht se ofertat e tjera ishin më të lira.
Kjo lëvizje tregon se nuk u zhvillua një garë e rregullt për këtë tender, por kontrata u fal menjëherë, duke bërë që tenderi të marrë “Red Flag”. Kështu për një vit rresht do të vazhdojë pazari me këtë firmë.
Por, nuk është hera e parë! 2 AT”sh.p.k. me pronar Nuçi Shamijan, Alketa Tori dhe Aldo Tacin ka marrë edhe herë të tjera tenderë pa garë nga Bashkia Tiranë. Bëhet fjalë për tenderin me objekt “Blerje Hipoklorit Natriumi 13-15%, i cili është firmosur më 13 janar dhe Shamija e fitoi në kundërshti me ligjin.
Miliona shpenzon Kacidhja për të filtruar tubacionet dhe pastruar ujin, por uji i pijshëm mbetet një ëndërr në sirtarë për qytetarët në Tiranë. Ndërkohë, shohim se kjo firmë ka fituar tenderë të majmë nga çdo bashki, po kryeson Kolonja dhe Tirana.
