Të tjera goditje tërmeti në Shqipëri. Instituti i Gjeoshkencave, Energjisë, Ujit dhe Mjedisit ka regjistruar tre tërmete gjatë natës në Shqipëri.

Sipas të dhënave epiqendra vazhdon të jetë në Korçë, fillimisht në Arrëz dhe më pas në Sheqeras.

Lëkundja e fundit e regjistruar në orën 02:35 ka pasur një magnitudë 2.2 në thellësi 30 km dhe me epiqendër 12 km në veri të Korçës.

Para saj një lëkundje më e fortë me magnitudë 2.9 është regjistruar me epiqendër në Sheqeras. Për fat nuk ka raportime për dëme.