Presidenti i Kosovës, Hashim Thaçi ka thënë se pasi t’i skadojë mandati, ai do të kandidojë përsëri për president të vendit.
“Do të respektoj kushtetutën dhe ligjet e vendit. Do t’iu shërbej qytetarëve pa dallim. E se ku do jem pas mandatit presidencial, mendoj se është herët të flitet, por janë dy mundësi, e para të bëhen ndryshimet kushtetuese që presidenti të zgjedhjet nga qytetarët, pra do të rikandidoj dhe do të zgjedhem përsëri, kësaj radhe me votën e popullit, jam i bindur për këtë”, është shprehur Thaçi në emisionin “A Shoë” në T7.
Thaçi tha se nëse partitë e duan atë president, le ta ndryshojnë kushtetutën pasi ky i fundit është i bindur që do të rizgjedhet
“Pra, partitë le të vlerësojnë vet, nëse e duan president Thaçin le ta ndryshojnë kushtetutën, nëse nuk e duan mos ta ndryshojnë, unë do të kandidoja përsëri”, shtoi Thaçi.