Tottenhami i është rikthyer rezultateve të dobëta pas fitores spektakulare që bëri kundër Manchester City në vikend. Djemtë e Antonio Conte janë mposhtur sonte nga Burnley në Turf Mor me rezultat 1-0. Ben Mee (71) shënoi golin e vetëm në këtë ndeshje.
Tottenhami ka bërë një hap fals për vendin e katër në Premier Ligë sonte pasi që është mposhtur me rezultat 1-0 nga Burnley.
Në anën tjetër kjo është një fitore e rëndësishme e Burnley në luftën e tyre për të mbetur në Premier Ligë.
Pjesa e parë ishte tepër monotone.
Asnjëra dhe as tjetra skuadër nuk ishte në nivelin e duhur dhe asnjëra nuk arriti që të rrezikoi seriozisht portën e njëra tjetrës.
Kështu që kjo pjesë do të përfundonte me rezultat të barabartë 0-0.
Pjesa e dytë nisi shumë më mirë për Tottenham.
Harry Kane e pranoi një top të mirë ku u shkaktua faul në të. Krosimi ishte i mirë dhe Kane goditi bukur me kokë dhe topi shkonte në rrjetë por njëri prej lojtarëve aty bëri një perceptim të mirë të topit duke e larguar atë jashtë portës me rikoshetë.
Minuta e 69 do të shënonte një kërcenim real të Burnley për Lloris të Tottenham. Jay Rodriguez bëri një kalim të bukur, goditi topin por Lloris bëri një pritje refleksive për t’ia mohuar golin atij.
Dejan Kulusevski ishte shumë afër për të shënuar për Tottenham në minutën e 70-të por topi i tij përfundoi jashtë, afër shtyllës së djathtë të portës së Burnley.
Një minutë më vonë Burnley do të shënonte nga një ndërprerje.
Josh Brownhill do të krosonte në zonë ku do ta gjente Ben Mee që shënoi një gol të bukur me kokë.
Burnley ishte afër për të shënuar edhe golin e dytë në minutën e 83.
Jay Rodriguez hyri në zonë dhe goditi topin por ishte i pasaktë pasi që topi përfundoi mbi portë.
Kjo humbje bënë që Tottenham të mbetet në vendin e tetë me 39 pikë pas 24 ndeshjeve në Premier Ligë.
Burnley në anën tjetër tani ka 20 pikë dhe është në vendin e 18 me dy pikë më pak se Newcastle. Por Burnley ka një ndeshje më pak të zhvilluar.
