Ish presidentët Alfred Moisiu dhe Rexhep Meidani, mendojnë se për zgjidhjen e krizës poltike në vend për shkak të djegies nga opozita të mandateve, duhet të angazhohet kreu i shtetit. Moisiu dhe Meidani, kërkojnë ndërgjegjësim të klasës politike për reformat zhvilluese dhe integruese të vendit.
Alfred Moisiu: Duhet të ndërhyjnë. Është e drejtë e tij si do të vendosë, por klasa politike duhet të ndërgjegjësohet sepse kështu nuk mund të ecet më përpara.
Rexhep Meidani: Teorikisht po, praktikisht varet sa është zëri i fuqishëm brenda klasës politike.
Edhe pse e quan ekstreme vendimin për të djegur mandatet, Meidani, thotë se tashmë zgjidhjen e krizës poltike në dorë e ka mazhoranca.
Rexhep Meidani: Vendimmarrja kryesore është e asaj që qeveris. Nëse gjykon që mund të kalojë në zgjedhje të parakohshme vendimmarrjen e merr kjo klasë politike por në gjykimin tim të gjithë opsionet janë në tavolinë.
Deklaratat e ish presidentëve erdhën pas konferencës së lidershipit ballkanik, e cila ne qendër të diskutimeve kishte adresimin e situatës aktuale në vend dhe prezantimi i një vizioni për zhvillim të qëndrueshëm.
