Ndërsa pritej të ndodhte e kundërta, që shqiptarët e Kosovës të lëvizin të lirë në zonën Shengen, ka ndodhur e kundërta.
Komisioni Evropian ka përpiluar një raport ku Malit të Zi dhe Maqedonisë së Veriut i kërkon që të vendosin regjim vizash për Kosovën. Kjo gjë duket se ka ndodhur në fshehtësi dhe zbuluar nga ambasadori i Kosovës në Bruksel.
Kjo kërkesë e turpshme duket si një rrufe në qiell të hapur për Kosovën, dhe si një diell për Serbinë, e cila bën çfarë është e mundur për të izoluar Kosovën.
Mirë që vetë po e vërdallos me mashtrime Kosovën për vizat, padrejtësisht për një kohë të gjatë, duke i falur kufirin Malit të zi, tani kërkon që Kosova ti falë edhe ndonjë gjë Serbisë, pasi nuk mjaftojnë jetët e marra gjatë luftës për fitimin e lirisë.
Moj Europë e paturpshme, që kërkon vetëm të favorizosh serbët, mund të ju falësh ndonjë gjë nga vetja Serbisë, sepse shqiptarët nuk kanë çfarë të ju falin atyre.
A po, e kemi një gjë që mund të ja falime me plot dëshirën e madhe. Edi Ramën ja japim Vuçiçit që ta ketë pranë sivëllaun e tij me të cilin vetëm e vetëm lufton Kosovën, krijon projekte si Ballkani i Hapur, duke përjashtuar Kosovën, kritikon ata miliona shqiptarë që gëzojnë për Xhakën dhe Shaqirin të cilët eliminuan Serbinë nga botërori.
Prandaj Ramën ua falim me dëshirën më të madhe, moj Europë e turpshme.
E meqë mediat në Shqipëri merren me politikën e ditës, merren me Ramën dhe Berishën dhe akuzat e tyre të ndërsjellëta, kanë lënë pas dore çështje të rëndësishme kombëtare, si bashkimi Kombëtar që fatkeqësisht zë vend në media vetëm në fushata elektorale, kur drejtuesit e politikës në Shqipëri kujtohen të bëhen nacionalistë, për të marrë ndonjë votë.
Me kërkesën e bërë për Malin e Zi dhe Maqedoninë për ti vendos viza Kosovës, në një farë mënyre është bërë një grusht shtetit, duke kërkuar rrëzimin e qeverisë së Albin Kurtit, që duket se ja ka vënë ‘kufirin te thana’ Europës dhe nuk e le më të bëjë çtë dojë në Prishtinë.
Nga ana tjetër, as Mali i Zi dhe as Maqedonia nuk janë vende anëtare të BE-së, që mund të sillte abuzim nga shqiptarët e Kosovës, që mund të udhëtonin në vende të BE-së.
Kjo ka vetëm një kuptim, izolim të Kosovës për ta detyruar që të merren vendime në dëm të shqiptarëve.
