Zyrtarët ushtarakë ukrainas kanë bërë me dije se rreth 15 000 ushtarë rusë janë vrarë që nga nisja e sulmit të Rusisë në Ukrainë.
Në Facebook, zyrtarët thanë se janë vrarë 14 700 trupa ruse në 25 ditë luftimesh.
Gjithashtu, thuhet se shumë pajisje ushtarake të Rusisë janë shkatërruar, përfshirë 476 tanke, 200 avionë, helikopterë dhe dronë.
Ndërkohë, burime të tjerë perëndimore pretendojnë se numri i ushtarëve rusë të vrarë është rreth 7000, ndërsa të plagosurit janë 21 000.
