Leonard Farruku, 27 vjeç, u gjet pa jetë në bordin e anijes në Portland Port, Dorset, më 12 dhjetor.
Motra e tij, Jola Dushku, tha se familja u përball me “tragjedinë e dyfishtë” të vdekjes së tij dhe të pamundësisë për të sjellë trupin e tij në shtëpi për një varrim.
Por një faqe GoFundMe që ajo krijoi ka mbledhur më shumë se 18,000 £. Zonja Dushku tha se “bujaria” ishte “një demonstrim i fortë i humanizmit të njerëzve në MB”.
Një hetim sqaroi më parë se nuk kishte rrethana të dyshimta në lidhje me vdekjen dhe çështja u shty për një seancë të plotë në një datë të mëvonshme.
Trupi i zotit Farruku ka mbetur në një morg në Dorset, shkraun BBC.
Në faqen e mbledhjes së fondeve, të krijuar të martën, zonja Dushku tha se jeta e vëllait të saj “përfundoi në mënyrë të paimagjinueshme për të gjithë ndërsa ishte në MB”.
Pasi kaloi objektivin fillestar, ajo postoi të mërkurën: “Nuk mund të falënderoj sa duhet të gjithë njerëzit nga Britania e Madhe, komuniteti shqiptar në MB dhe të gjithë shqiptarët në mbarë botën për bujarinë e tyre që na ndihmuan për të siguruar paratë e nevojshme… për të sjellë në shtëpi trupin e vëllait tim”.
