Gjykata Evropiane për të Drejtat e Njeriut mori vendim zyrtar të martën rreth përgjegjësisë për vrasjen e rusit Alexander Litvinenko.
Kjo gjykatë vlerësoi se për vdekjen e Litvinenkos në vitin 2006 përgjegjëse është Rusia, shkruan Reuters.
Livinenko ishte helmuar në Londër me polonium 210, izotop i rrallë radioaktiv.
“Rusia është përgjegjëse për vrasjen e Aleksander Litvinenkos në Mbretërinë e Bashkuar”, thuhet në deklaratën e gjykatës.
Pasi ishte vendosur në Britaninë e Madhe, Litvinenko, ish-oficer i shërbimit sekret rus, FSB, ishte bërë kritik i zëshëm i presidentit rus, Vladimir Putin.
