Veton Berisha ka dhuruar një tjetër paraqitje të jashtëzakonshme për Vikingun në Norvegji. Berisha i siguroi fitoren ekipit të tij me dy gola kundër Sandefjordit, ndeshja e cila përfundoi me rezultat 2:1.
Pavarësisht se Vikingu ishte me një lojtar më pak që nga minuta e 19-të, nuk e ndali shpërthimin e 27-vjeçarit.
Berisha shënoi në minutat 49-të dhe 78-të dhe mbajti gjallë shpresat e ekipit të tij për titullin kampion, ose minimalisht kualifikimin në Evropës.
Dygolëshi i sotëm çon në 15 numrin total të golave të shënuar këtë sezon në Eliteserien nga Berisha. Vetëm Omoijuanfo (21) i Moldes dhe Olsen (18) i Lillestromit kanë më shumë.
Pas 21 ndeshjeve, Vikingu ka 35 pikë në vendin e pestë. Është dy pikë larg vendit të tretë që të dërgon në kualifikimet e Ligës së Konferencës dhe gjashtë pikë larg vendit të para që mbahet nga Bodo/Glimt.
