77-vjetori i ditëlindjes do ta gjejë Sali Berishën në Korçë ku do të zhvillojë takime me mbështetësit në nismën për të mbledhur kuvendin e jashtëzakonshëm.
Por pikërisht në këtë datë ambasadorja e SHBA ka risjellë në vëmendje kushtet për personat non grata ku përfshihet ish kryeministri dhe familja e tij. Madje në Twitter Yuri Kim shprehet se ky vendim nuk është i negociofshim.
“Përcaktimi publik 7031(c) nuk është subjekt “negocimi” & askush nuk duhet të pretendojë se është “ndërmjetës”. Ata të cilët janë përcaktuar publikisht mund t’ua vënë fajin konspiracioneve, por faktet janë të pamohueshme”
Ende nuk është e qartë nëse Kim ka folur në lidhje me Berishën apo personat e tjerë të përfshirë në vendimin për non grata.
Një ditë më parë ambasadorja e SHBA vizitoi selinë e PD ku u takua me Bashën.
Një ditë pas bisedës në rrjetet sociale Basha shprehet se gjatë takimit ndau shqetësimin për situatën në Shqipëri nivelin e lartë të korrupsionit, masakrën zgjedhore dhe lidhjet e politikës me krimin.
Ai shton se u diskutua dhe situata në Kosovë dhe rajon ku theksoi se mbyllja më e shpejtë e bisedimeve Kosovë-Serbi me njohjen reciproke, do t’i shërbente paqes dhe stabilitetit në rajon.
