Një burrë ka zbuluar dhjetëra tunele nëntokësore të fshehura nën dhoma, që besohet të jenë përdorur në mënyrë të fshehtë nga shërbëtorët në vitin 1800.
Freddy Goodall nga Sussexi i Anglisë që punon në restaurimin e pronave, po shikonte fotografitë e vjetra të shtëpisë së tij 500-vjeçare në të cilën kishin jetuar të parët e tij, transmeton Telegrafi.
Ai vërejti një derë të fshehtë në librari, e cila ishte shtuar në shekullin e 19-të, por që tani kjo derë nuk ekziston më.
“Kërkoja për të dhe nuk munda të vërej asgjë në fillim, më vonë e kuptova se ishte fshehur pas rafteve të librave. Pas një libri gjeta një vrimë që kur shikoje brenda ngjanë me një dhomë të fshehtë”, ka thënë 23-vjeçari.Reklamë
Në një video në TikTok që tashmë ka marrë mbi 4.5 milionë shikime, Freddy shihet duke pastruar raftet e librave dhe duke larguar një panel të drurit prapa të cilës fshiheshin tunelet nëntokësore.
Ai gjithashtu gjeti shkallës që çonin në katin e dytë të shtëpisë, dhe që rrugës hasi edhe në dy dhoma të fshehta që ishin përdorur nga shërbëtorët 500 vite më parë në shtëpinë e familjes së tij.
