Shërbimi i Emergjencave në Ukrainë ka vazhduar përpjekjet për të fikur zjarret në zonën e izoluar të Çernobilit, të cilat kanë një javë që vazhdojnë.
Ukraina ka angazhuar rreth 300 punonjës emergjencash, tre avionë dhe tre helikopterë.
Autoritetet raportuan se të dielën kanë lëshuar rreth 306 tonë ujë në të gjithë zonën e përfshirë nga zjarri.
Flakët ndodhen pranë stacionit të Çernobilit, i cili shpërtheu në vitin 1986 duke shkaktuar incidentin më të rëndë bërthamor në botë.
Pas shpërthimit, banorët u larguan menjëherë dhe zona u izolua plotësisht e me kontroll të rreptë.
Zjarret u përhapën më 3 prill, në anën perëndimore të Çernobilit, dhe deri tani ka qenë e pamundur që të fiken.
