Klubi i Bundesligës, Schalke, që po lufton për mbijetesë në edicionin e sivjetmë, mund të llogarisë në kampionin e Botës në Rio, Shkodran Mustafin.
Mustafi që në elitën e futbollit gjerman shkoi në afatin kalimtar të janarit, nuk luajti fare në duelin që Schalke e humbi në shtëpi nga Borussia Dortmundi, 4:0.
Para nisjes së derbit u raportua se Mustafi nuk do të luajë për shkak të problemeve muskulore.
Megjithatë, ai do të jetë i gatshëm për duelin e së shtunës në udhëtim kundër Stuttgartit, sipas trajnerit Christian Gross.
Schalke është në vendin e fundit në Bundesligë pas 22 xhirove, me vetëm 9 pikë.
