Liverpooli po monitoron situatën e Steven Gerrard për të zëvendësuar Jurgen Klopp, nëse Federata Gjermane thërret këtë të fundit për ta drejtuar ekipin kombëtar.
Mirror shkruan se DFB-ja po planifikon largimin e Joachim Low dhe zëvendësimin e tij me Kloppin, ofertë kjo që për ish-trajnerin e Dortmund do të ishte e parefuzueshme.
Gerrard po kalon momente fantastike si trajner me ekipin e tij Ranger. Kjo i ka bërë përshtypje edhe pronarëve të Liverpoolit, të cilët po e përcjellin nga afër punën e legjendës angleze.
