Një 16-vjecar nga Vitia ka ndërruar jetë si pasojë e COVID-19 duke u bërë kështu viktima më e re në Kosovë nga ky virus, që nga fillimi i pandemisë.
Lajmin për KOHËN e ka konfirmuar Drejtori i Spitalit Regjional të Gjilanit, Nisret Hajrullahu, i cili tha se i riu ka ardhur në gjendje të rëndë në spital.
Ai ka thënë se 16 vjeçari vuante nga retardimi psikomotorik.
“Është rasti i cili ka qenë paraprakisht i prekur me protandim psikomotorik dhe ka qenë në gjendje të rënd që nga fillimi i mjekimit. Edhe përkundër angazhimit dhe të gjitha intervenimeve nuk ka arritur të mbijetoj”, është shprehur ai.
Hajralluahu ka thënë se i ndjeri kishte shkuar në Spital i prekur me COVID-19 pasi edhe familja e tij ishin të infektuar.
Sipas tij, 16 vjeçari ka qëndruar në Spitalin e Gjilanit për 10 ditë.
