Ushtruesja e detyrës së presidentes, Vjosa Osmani dhe kryetarit të Lëvizjes Vetëvendosje, Albin Kurti, do të takohen sot me subjektet politike për t’u konsultuar për konstituim sa më të shpejtë të institucioneve të reja të Kosovës pas zgjedhjeve të 14 shkurtit.
Para pak ditëve subjekteve politike që do të jenë në Kuvend iu është dërguar ftesa për takim nga Osmani e Kurti.
Ftesës pozitivisht i është përgjigjur PDK-ja e udhëhequr nga Enver Hoxhaj dhe AAK-ja e udhëhequr nga Ramush Haradinaj. Po ashtu ftesa iu është dërguar edhe partive të komuniteteve.
Takimi i Osmanit e Kurtit me Hoxhajn do të mbahet në ora 11:00, ndërsa me Haradinajn do të mbahet në pra 13:30.
Ndërsa takimi nuk do të mbahet edhe me Lidhjen Demokratike të Kosovës. Pasi të dielën, LDK-ja zgjodhi kryetarin e ri të saj, Lumir Abdixhikun, e i cili tha se është i gatshëm të takohet me Kurtin e Osmanin, por duhet shtyrë takimin për të premten.