Presidenti amerikan Joe Biden ka kërkuar nga amerikanët që të flasin kundër urrejtjes duke thënë se “heshtja jonë është bashkëpunim” përballë akteve raciste.
Bideni e ka bërë këtë deklaratë gjatë një vizite në Georgia ku është takuar me liderë azio-amerikanë, pak ditë pas sulmit në Atlanta ku mbetën të vrara 6 gra aziatike në tri qendra të masazheve.
Megjithëse policia nuk e ka quajtur garën motivin e sulmit, ajo erdhi mes një rritjeje të dhunës anti-aziatike.
“Krimet me motive urryese ndaj njerëzve aziatikë janë rritur gjatë pandemisë me koronavirus dhe racizmi ka qenë një helm i shëmtuar që prej kohësh e përndjek dhe e mundon kombin tone”, është shprehur presidenti Biden.
