Meta për grevën tek “Albcontrol”: Ndërprerja e punës së trafikut ajror nuk është zgjidhje, të rinisë puna

Presidenti Ilir Meta ka reaguar në lidhje me bllokimin e fluturimeve ajrore në Republikën e Shqipërisë për shkak të grevës së punonjësve të “Albcontrol” duke u shprehur se ndërprerja e punës nuk është zgjidhje. Në reagimin e tij presidenti thekson se ka paralajmëruar të gjitha instancat përkatëse shtetërore për moskrijimin e një situate të tillë, si dhe quan të padrejtë injorimin e kërkesave të punonjësve nga ana e qeverisë. Gjithashtu Meta thekson se kontrollorët nga ana e tyre duhet të qëndrojnë në detyrë pa asnjë ndërprerje dhe të përmbushin misionin e tyre për të garantuar funksionimin e transportit ajror.