Downing Street (vendbanimi dhe selia e Kryeministrit anglez) hodhi poshtë prerazi pretendimet e presidentit të Juventus Andrea Agnelli se kundërshtimi i Kryeministrit Boris Johnson ndaj Super League ishte motivuar nga frika se përfshirja e gjashtë klubeve angleze (Manchester United, Manchester City, Liverpool , Chelsea, Tottenham dhe Arsenal) në një iniciativë evropiane mund të interpretohej si një shuplakë e stilit “Brexit” (“nëse gjashtë skuadra do të ishin shkëputur, politika do ta kishte parë atë si një sulm ndaj skemës së tyre politike” ishin fjalët e Agnellit në një intervistë me Reuters).
“Kryeministri – u përgjigj një zëdhënës i Johnson – i bëri shumë të qartë motivet pse qeveria ndërhyri duke ndërmarrë veprime për të siguruar që 6 klubet të tërhiqeshin nga projekti. Arsyet që kanë të bëjnë – tha ai shkurt – me rëndësinë që ka futbolli në zemër të komuniteteve tona përreth vendit”.
