Qytetarët shqiptarë që janë të infektuar me Covid nuk do të votojnë nesër për parlamentin e ri. Ministria e Shëndetësisë në përditësimin e ditës së sotme njoftoi se në total janë 23021 raste aktive me Covid në Shqipëri.
Por cfarë ndodh nëse të infektuarit shkojnë për të votuar? Kësaj pyetje Ilirjan Celibashi iu përgjigj duke thënë se cdo qytetar që do të paraqitet në qendrën e votimit nuk do të kthehet pa votuar, pasi nuk kanë mekanizma për të verifikuar nëse janë të infektuar apo jo, por nëse konstatohen se janë me Covid dhe kanë dalë nga banesa duke thyer karantinën është policia që merr masat sipas aktit normativ.
Po ashtu në këto zgjedhje që do të zhvillohen nesër nuk kanë të drejtë që të votojnë as shqitparët që janë kthyer nga Greqia dhe Maqedonia në ditët e fundit, pasi janë detyruar nga Komiteti Teknik i Ekspertëve që të qëndrojnë 14 ditë në karantinë, vendim që ngjalli debat të fortë mes palëve, por Apeli Administrativ e la në fuqi.
