Sadiq Khan ka fituar një mandat të dytë si kryebashkiak i Londrës, duke mundur rivalin konservator Shaun Bailey.
Ai fitoi 55.2% të votave në balotazhin me Bailey pasi asnjëri nuk arriti të siguronte shumicën në raundin e parë të votimit.
Khan, i partisë Laburiste, u bë kryetari i parë mysliman i një kryeqyteti të vendeve të BE-së kur u zgjodh për herë të parë në këtë post në 2016.
Sian Berry i Partisë së Gjelbër doli i treti, ndërsa Luisa Porritt e Liberal Demokratëve u rendit e katërta.
Khan u pa si favorit gjatë gjithë fushatës, me disa sondazhe që parashikuan se ai do të fitonte më shumë se gjysmën e votave të raundit të parë.
51-vjeçari nuk arriti të arrijë numrin e votave të vitit 2016, por fitoi me një shumicë prej 228 000 votash.
Rivali më i afërt i Shaun Bailey mori 44.8% të votave duke rritur kështu partinë Konservatore me 1.6%.
Sadiq Khan është një nga tetë fëmijët e një emigrant pakistanez në Londër. Ai u rrit në një shtëpi sociale në jug të Londrës. Khan, një besimtar mysliman, e deklaroi haptazi besimin e tij dhe u votua në 2016 nga 57 përqind e qytetarëve, në një qytet ku vetëm 10 përqind janë muslimanë.
