Varianti Delta i coronavirusit që për herë të parë u zbulua në Indi, dhe sipas mjekut amerikan Anthony Fauci është kërcënimi më i madh ndaj përpjekjeve të Shteteve të Bashkuara që ta çrrënjosin COVID-19.
“Varianti Delta bartet më lehtë për dallim nga versioni origjinal”, ka thënë Fauci gjatë një konference për media, duke shtuar se ky variant është duke u bërë dominant në nivel global, që po shkakton një pasqyrë të rëndë klinike të sëmurëve.
Siç raporton Reuters, Fauci ka rikujtuar se vaksinat e miratuara në Shtetet e Bashkuara, përfshirë vaksinën Pfizer/BioNtech, janë efikase kundër variantit Delta.
“Kemi vegla dhe duhet t’i përdorim që ta frenojmë përhapjen e mëtejme të virusit”, ka thënë për fund eksperti amerikan.
