Ministria e Shëndetësisë e Kosovës ka bërë të ditur se gjatë 24 orëve të fundit janë shënuar 92 raste të reja me COVID-19 në Kosovë, nga testimi i 3,788 personave të dyshuar për koronavirus.
Sipas njoftimit, gjatë 24 orëve të fundit nuk është shënuar asnjë rast i vdekjes.
Ndërkohë, Ministria ka njoftuar se janë shëruar 16 persona duke e quar numrin e të shëruarve në 105,657 në total që nga fillimi i pandemisë.
Numri i rasteve aktive ndërkohë, ka shkuar në 442 në tërë Kosovën.
Gjatë 24 orëve të fundit në Kosovë janë dhënë 15,221 vaksina. Ndërkaq, që nga fillimi i vaksinimit në fund të muajit mars, numri i vaksinave të administruara është 428,818 prej të cilave 282,089 janë dhënë si dozë e parë ndërkaq, 146,215 janë dhënë si dozë e dytë.
