Rama: Disa persona shpikin vepra teatrale imagjinare

Kryeministri Edi Rama postoi në facebook një thënie të shkrimtarit të njohur brazilian Paulo Coelho

“Disa persona jetojnë vazhdimisht në luftë me të tjerët, me vetveten, me jetën e tyre! Për këtë arsye shpikin vepra teatrale imagjinare, skenarin e të cilave e përshtasin me sikletet e tyre.”

Ndërkohë që një grup artistësh dhe qytetarësh vijojnë të bëjnë rezistencë për të mos shembur godinën e Teatrit Kombëtar,  thënia duket se përcjell një mesazh për këtë situatë.

 Momente tensioni dhe përplasjeje u shënuan dje përpara godinës së Teatrit Kombëtar. Artistë dhe qytetarë të shumtë u përplasën me forcat e policisë, duke kundërshtuar shembjen e ndërtesës. Ndërsa në mbrëmje policia u zbraps duke liruar sheshin qytetarët dhe aktorët vijuan të qëndronin gjithë natën para Teatrit Kombëtar.

Në krah të aleances është vendosur edhe Partia Demokratike dhe LSI./Ora News/