Armando Broja ka shkëlqyer me fanellën e Sauthemptonit duke bërë një debutim ëndrrash me dy gola.
Sulmuesi i Kombëtares shqiptare ka bërë një super paraqitje në fazën e 1/32-ve të Kupës së Anglisë ndaj Njuportit e cila militon në kategorinë e katërt të Anglisë.
Sipas faqes së statistikave “Sofa Score” statistikat e sulmuesit të Kombëtares janë të frikshme që në debutim, ku u aktivizua për 65 minuta lojë dhe u vlerësua me notën 8,5, teksa shënoi një dopietë, ku tre goditjet gjithsej ishin të gjitha në kuadrat, pasimet kyçe ishin dy, prekjet e topit ishin 16 herë, pasimet e sakta ishin 8 nga 10 dhe duele ishin 6 nga 2 të fituara.
Statistika prej heroi për Armando Brojën i cili shkëlqeu në debutim me fanellën e Sauthemptonit i cili ndodhet në formulën e huazimit nga skuadra e Çelsit.
