Mbretëria e Bashkuar përballet me kërcënimin më të madh terrorist ndër vite, paralajmërojnë ekspertët zyrtarë të Boris Johnson , ndërsa ky i fundit u kërkon talibanëve të parandalojnë transformimin e venditnë bazë për terroristët islamë.
Sipas Daily Mail , ish -komandanti i trupave britanike në Afganistan, koloneli Richard Kemp , tha dje se Mbretëria e Bashkuar po përballet me “kërcënimin më të madh të një sulmi terrorist pasi Shteti Islamik ishte në kulmin e fuqisë së tij”.
Kërcënimi mund të jetë më i madh tani dhe jo i kufizua, tha Kemp për Times Radio, duke iu referuar një situate “jashtëzakonisht të rrezikshme” .
Sipas tij, talibanët “do të lejojnë, ndoshta edhe të inkurajojnë, xhihadistë nga e gjithë bota që të vijnë në vend, të takohen, stërviten, organizohen, planifikojnë, përgatisin dhe kryejnë sulme kundër Perëndimit nga Afganistan.”
Niveli aktual i kërcënimit, i vendosur nga Qendra e Përbashkët e Analizës së Terrorizmit, është një “kërcënim domethënës”, që do të thotë, sipas gazetës britanike, se ekziston mundësia e një sulmi.
Kjo është renditja e tretë më e lartë, me dy nivelet më të larta që konsiderohen “kërcënim serioz” (probabilitet i lartë sulmi) dhe “kërcënim kritik” (probabilitet i lartë sulmi në të ardhmen e afërt).
Sipas kolonelit Kemp ekziston një rrezik i madh që xhihadistët britanikë të “frymëzohen” nga zhvillimet në Afganistan dhe të inkurajohen nga dominimi i talibanëve në vend.
Sipas Daily Mail, Boris Johnson u bëri thirrje talibanëve të dielën për të parandaluar që vendi i tyre të bëhet përsëri një bazë terroriste. “Nëse regjimi i ri në Kabulkërkon njohje diplomatike, ose “zhbllokimin” e miliardave që aktualisht janë “të ngrirë”, duhet të sigurohen që ata që duan të largohen nga vendi ta bëjnë këtë në mënyrë të sigurt, të respektojnë të drejtat e grave dhe vajzave dhe “Afganistani duhet të parandalohet që të bëhet vatër e terrorizmi global përsëri, sepse kjo mund të jetë katastrofike për Afganistanin”, tha ai.
