Presidenti i Shteteve të Bashkuara, Joe Biden, ka zhvilluar një bisedë telefonike për herë të parë pas shtatë muajve me homologun e tij kinez, Xi Jinping.
Në një deklaratë të shtëpisë së bardhë u tha se të dy udhëheqësit diskutuan për përgjegjësinë që të dyja vendet e tyre e kanë për t’u siguruar që konkurrenca të mos shndërrohet në konflikt.
Kjo është vetëm biseda e dytë telefonike mes presidentëve të dy ekonomive më të mëdha botërore që nga ardhja në pushtet e Bidenit, shkruan BBC.
Ndryshe, Shtetet e Bashkuara dhe Kina së fundi kanë raporte të tensionuara, me mospajtime rreth çështjeve si tregtia, spiunazhi dhe pandemia.
“Dy udhëheqësit zhvilluan një diskutim të gjerë e strategjik për fushat në të cilat interesat ona puqen dhe për fushat ku interesat, vlerat dhe pikëvështrimet tona dallojnë”, thuhet në deklaratën e Shtëpisë së Bardhë.
Televizioni shtetëror kinez, CCTV, raportoi se telefonata ishte e sinqertë dhe e thellë, duke shtuar se janë diskutuar komunikimi i gjerë strategjik dhe çështjet e shqetësimeve të përbashkëta.
