Tërmeti i një nate më parë me epiqendër në Lezhë, solli frikë dhe panik tek qytetarët. Menjëherë pas lëkundjeve të tokës të cilat zgjatën për disa minuta, ata dolën nga banesat e tyre, duke qëndruar në rruge apo makina.
Shumë prej qytetarëve e kaluan natën në automjetet e tyre ose jashtë banesave nga frika e lëkundjeve të tjera sizmike. Ata tregojnë se tërmeti ishte i fortë dhe se menjëherë kanë kujtuar tërmetin e një viti më parë dhe dëmet që ai shkaktoi.
“Ishim në gjumë, ishim shtrirë. Jemi jashtë se frika bën të veten. Kalamajtë kanë frikë të futen brenda sepse kujtojnë tërmetin e kaluar. Kemi frikë të rrimë brenda”- është shprehur një nga banorët.
Tërmeti me magnitudë 4.5 balle e kishte epiqendrën në zonën e Lezhës, ndërsa sipas raportimeve lëkundjet fatmirësisht nuk kanë shkaktuar dëme.
