Lyoni ka vazhduar me fitore në fazën e grupeve të Ligës së Evropës. Të enjten mbrëma Lyoni fitoi 4:3 në udhëtim ndaj Sparta Pragës.
Lukas Haraslin shënoi dy gola për Spartën në fazën fillesatre të takimit. Por ekipi francez nuk u zbraps. Për 2:1 shënoi Karl Toko Ekambi në minutën e 42-të. Houssem Aouar shënoi për 2:2 në minutën e 53-të. Për 3:2 në të mirë të Lyonit shënoi Lucas Paqueta në minutën e 63-të. Në minutën e 88-të, Ekambi realizoi edhe një gol tjetër për rezultatin 4:2. Golin e fundit e shënoi Ladislav Krejçi i Sparta Pragës në minutën e 96-të.
Xherdan Shaqiri luajti deri në minutën e 75-të për Lyonin. Lyoni udhëheq në grupin A me 9 pikë. Sparta është e dyta me 4 pikë.
Në ndeshjen tjetër të grupit A, Rangersi fitoi 2:0 ndaj Broendbyt. Rangersi i ka 3 pikë në vend të tretë, ndërsa Broendby mbetet me një pikë.
