Belind Këlliçi ka bërë me dije se ka dhënë dorëheqjen si kryetar i Forumit Rinor të PD-së.
Për emisionin “Opinion” ai ka deklaruar se në mënyrë protokollare do të jetë në detyrë deri në mbajtjen e Kuvendit të radhës të FRPD.
“Para pak orësh kam njoftuar dorëheqjen. Në mënyrë protokollare jam në detyrë deri në Kuvendin e radhës të Forumit Rinor. Jam votuar në procesin më të rregullt pas 30 vitesh në PD, një anëtar një votë, më ka votuar anëtarësia e PD“, shprehet ai.
Para disa ditësh Këlliçi doli kundër vendimit të kryedemokratit, Lulzim Basha për zgjedhje të reja për kreun e FRPD, ku u shpreh se vendimi i Bashës nuk bazohet në statutin e PD.
Këlliçi ishte i pranishëm në ‘Foltoren’ që mbajti ish-kryeministri Sali Berisha në Tiranë, të dielën 7 nëntor.
