Përmes një postimi në Twitter ambasadorja e SHBA-ve në vendin tonë, Yuri Kim shkruan se korrupsioni është kancer.
Ajo ka shpërndarë një strategjitë të ShBA-ve kundër korrupsionit të datës së sotme, ku ambasadorja shkruan se SHBA po ndërmerr hapa shtesë për të parandaluar korrupsionin.
“Korrupsioni është kancer. SHBA po ndërmerr hapa shtesë për të parandaluar korrupsionin, për të luftuar financimin e paligjshëm, për të mbajtur përgjegjës të korruptuar dhe për të forcuar kapacitetin për të ekspozuar aktet korruptive. Ja lajmet më të fundit nga Shtëpia e Bardhë”, shkruan Kim.
Administrata Biden publikoi sot “Strategjinë e luftës kundër korrupsionit” ku ofrohen hapa të gjerë për t’u përballur me korrupsionin si brenda ashtu edhe jashtë vendit.
Ajo nxit qeverinë amerikane të përmirësojë boshllëqet rregullatore, duke forcuar përpjekjet anti-korrupsionin ato diplomatike si të punojë për të forcuar mbrojtjen e shoqërisë civile dhe median, përfshirë gazetarët investigativë që ekspozojnë korrupsionin.
