Në 24 orët e fundit në Shqipëri janë konfirmuar katër raste me fatalitet si pasojë e koronavirusit.
Ministria e Shëndetësisë ka bërë të ditur se gjatë kësaj periudhe janë kryer 2.317 testime, nga të cilat kanë rezultuar pozitivë me koronavirus, 346 qytetarë.
Ndërkohë, numri i rasteve aktive me COVID-19 është 5.982.
Që nga shpërthimi i epidemisë me koronavirus në Shqipëri janë konfirmuar 202.641 raste, prej tyre 193.533 janë shëruar, ndërsa betejën me sëmundjen e kanë humbur 3.126 pacient.
