Në prag të Kuvendit të 18 dhjetorit, kreu i Partisë Demokratike,Lulzim Basha, ka ndarë një tjetër mesazh mëngjesin e sotëm.
Në një postim në rrjetet sociale, Basha ka publikuar një foto nga instilacioni me firmat e themeltarëve të PD-së, i cili u vendos përpara selisë blu në ditëlindjen e partisë më 11 Dhjetor.
Basha thekson mes të tjerave se PD ka rrëzuar kultin e individit duke u ndarë nga e shkuara dhe me 18 dhjetor demokratët zgjedhin me qytetari të ardhmen.
“Ora më e errët është ajo pak përpara agimit. Kështu ishte 31 vite më parë, kur Partia Demokratike e Shqipërisë u themelua për të ndarë të ardhmen nga e shkuara, për të sjellë lirinë, për të rrëzuar kultin e individit dhe për ta ribashkuar Shqipërinë me Perëndimin. Kështu është sot. Prandaj ditët më të mira i kemi përpara. Demokratët do të bashkohen më #18Dhjetor për të zgjedhur sërisht të ardhmen, e me qytetari do ofrojnë modelin e ndryshimit që shqiptarët kërkojnë, për t’i dhënë fund tranzicionit”, shkruan Basha.
