Autoritetet shëndetësore kroate kanë publikuar të dhënat e reja për coronavirusin.
Kroacia ka regjistruar mbi 9000 raste të reja, një rekord i ri që nga fillimi i pandemisë.
Në fakt, testimi u krye tek 19975 persona gjersa të infektuar rezultuan 9058 njerëz. Rekordi është thyer dje, kur kemi pasur 8587 raste.
Gjithashtu është bërë e ditur se 33 pacientë nuk kanë mundur të mbijetojnë dhe kanë ndërruar jetë.
“Vala e pestë tashmë është këtu, është bashkuar me të katërtën. Omicron nuk do të kalojë asnjë nga ne, vaksinohuni!”, tha ministri i Shëndetësisë, Vili Berosh, i cili një ditë më parë tha se 30 deri në 40 persona pozitivë mund të kenë variantin Omicron të virusit. Tani kjo përqindje mund të jetë edhe më e lartë.
Ndryshe, Kroacia deri më tani ka regjistruar 745 mijë raste me coronavirus ndërsa kanë vdekur 12764.
