Çmimet botërore të ushqimeve u rritën për 28 për qind në vitin 2021, niveli më i lartë në 10 vitet e fundit, ndërsa shpresat për kthim të kushteve më të qëndrueshme të tregut këtë vit janë të vogla, deklaroi Organizata e Kombeve të Bashkuara për Ushqimin dhe Bujqësinë, FAO.
Indeksi i FAO-s, që i ndjek produktet më të shitura ushqimore në botë, mesatarisht arrinte 125,7 pikë, që është nivel më i lartë prej 131,9 pikë në vitin 2011.
Çmimet më të larta të ushqimit kontribuan për rritjen e inflacionit sepse ekonomitë u rimëkëmbën nga kriza e koronavirusit.
FAO paralajmëroi se çmimet më të larta i vënë në rrezik njerëzit më të varfër në vendet e varura nga importet.
Në përditësimin e saj të fundit, agjencia bëri një vlerësim të kujdesshëm nëse presionet e çmimeve mund të reduktohen këtë vit.
”Megjithëse çmimet e larta zakonisht i lënë vendin rritjes së prodhimit, rritjes së çmimeve të mallrave, pandemia aktuale globale dhe kushtet e pasigurta klimatike nuk ngjallin shumë optimizëm për një rikthim në kushte më të qëndrueshme të tregut në vitin 2022”, theksoi në një deklaratë kryeekonomisti i FAO-s, Abdulreza Abasian.
