Fituesi i Ligës së Kampionëve, Chelsea, është kualifikuar në finale të Botërorit të klubeve.
Të mërkurën në gjysmëfinale, skuadra angleze fitoi ndaj Al Hilalit të Arabisë Saudite me rezultatin 1:0. Golin e vetëm e shënoi Romelu Lukaku në minutën e 32-të. Ndeshja është luajtur në Abu Dhabi para 12 mijë shikuesve.
Në finale, më 12 shkurt, takohen Chelsea dhe skuadra braziliane, Palmeiras. Palmeirasi në gjysmëfinale fitoi 2:0 ndaj Al Ahlyt të Egjiptit.
Chelsea është fitues në fuqi i Ligës së Kampionëve.
