Në muajin mars, disi në heshtje, Shtetet e Bashkuara të Amerikës testuan për herë të dytë raketën e saj hipersonike, e cilësuar HAWC (Hypersonic Air-breathing Weapon Concept), me shumë gjasa si përgjigje për sulmin e parë të një arme të tillë në fushëbetejë reale, e kryer nga Rusia në Ukrainë.
Bëhej fjalë për raketat hipersonike Kinzhal, që shkatërruan disa depo ushtarake të nëndheshme. Suksesi i atij testimi shqetësoi ambientin ushtarak amerikan, qepër herë të parë pas rënies së Bashkimit Sovjetik ndihej në inferioritet teknologjik në një fushë ushtarake.
Testimi i raketës HAWC i dha oksigjen Pentagonit, por me sa duket përparimet amerikane me këtë teknologji të re po has në disa probleme.
Sot një deklaratë e Forcave Ajrore zyrtarizoi faktin se prodhimi për një tjetër raketë hipersonike, e quajtur AGM-183 ARRW, do të shtyhet në një moment të mëvonshëm, pas një seri tjetër testimesh”.
Raketat ARRW, të projektuara nga gjiganti Lockheed Martin, synojnë shkatërrimin e objektivave më të rëndësishme, por prodhimi i tyre ka ngecur pas atyre që burimet cilësojnë si “një seri dështimesh”.
Ndërkohë, Moska ka testuar me sukses të paktën tre raketa të ndryshme. Përtej raketës Kinzhal, forcat ruse kanë testuar me sukses edhe raketën Avangard, që mund të marrë edhe një armë bërthamore, si dhe raketën Tsirkon , që mund të hidhet edhe nga anijet e Moskës.
Quhen hipersonike raketat që kanë pesë herë shpejtësinë e zërit, pra rreth 6100 kilometra në orë.
