Reshjet e dendura që kanë përfshirë Tiranën pasditen e së dielës, kanë bërë që Lana të “egërsohet”, duke rrezikuar të përmbysë edhe autobusin që ka ngelur aty, pas aksidentit të së premtes.
Dje, kreu i Bashkisë së Tiranës, Erion Veliaj, hapi një sondazh në Twitter, ku u kërkoi mendim qytetarëve të kryeqytetit nëse duhet të hiqet apo jo autobusi që u aksidentua një ditë më parë, i cili doli nga rruga dhe përfundoi në dy anët e Lanës.
“Teksa po përgatiteshim për të hequr autobusin mbi Lanë, shumë vetë propozuan ta lemë si një instalacion për kujdesin në timon e urë alternative mbi Lanë”, shkruan Veliaj në Twitter.
