Pas replikave mes kryeministrit Rama dhe ish-liderit demokrat Sali Berisha, në parlament foli sërish Lulzim Basha.
Ai u shpreh se Rama sot erdhi në sallë në gjendje të droguar, duke sulmuar Zërin e Amerikës dhe duke përdorur një gjuhë vulgare.
“Për herë të dytë brenda dy javëve Edi Rama ka bërë atë që bënë përfaqësuesit e diktaturës, e ka quajtur VOA, kazan.
Mbrëmë Zëri i Amerikës ka publikuar një hetim të thelluar, i cili bazuar mbi të dhëna tregon sesi Edi Rama e mori pushtetin me ndihmën e bandave kriminale dhe parave të drogës.
Dosja 339 tregon për aq sa është zbuluar se në 4 qarqe Edi Rama ka trafikuar këtu jo deputetë, por kukulla të krimit. Kjo nuk është e re. Denoncimin e parë e kam bërë unë.
Rama erdhi këtu në gjendje të droguar dhe nxori vulgaritetet e zakonshme me shpresën se këto do dominojnë lajmet.
Mashtrimet bajate dhe gënjeshtrat e trasha që futi nuk e shpëtojnë dot”, tha Basha.
