Një veturë u përplas në pjesën e përparme të shtëpisë së kryeministrit britanik Boris Johnson në jug të Londrës.
Sipas mediave britanike, përcjell Telegrafi, një Vauxhall Astra e zezë u fotografua e përplasur me pemën në shtëpinë që kryeministri thuhet se bleu me partneren e tij Carrie Johnson në vitin 2020.
Policia tha se nuk është kryer asnjë shkelje në aksidentin e së hënës dhe drejtuesi i mjetit është trajtuar për një lëndim të lehtë.
Përplasja dëmtoi gardhe, pemë dhe rrëzoi një shtyllë të vogël dekorative në kopshtin e përparmë.
Një fqinj i tha The Mail Online tha se vendasit kishin bërë shaka se kryeministri po përgatiste shtëpinë kur ai të largohej nga zyra.
Johnson zotëron gjithashtu një shtëpi të veçantë me një fushë tenisi dhe pishinë në Oxfordshire.
Fqinjët e përshkruan zhurmën e përplasjes si “bubullimë” dhe makina u hoq përfundimisht rreth orës 17:00 të mbrëmjes.
