Mbrëmje historike në Angli, ku përveç sfidave të Premier League-s, u luajt edhe finalja e “FA Youth Cup” (Kupa e skuadrave të të rinjve).
Në fakt, në “Old Trafford” ishin të pranishëm mbi 70 mijë shikues për të ndjekur ndeshjen mes “Djajve të Kuq” dhe Nottingham Forest (3-1). Rreth 6 mijë tifozë, në fakt, kishin prerë biletë për të përkrahur skuadrën mike.
Një shifër e pazakontë për një ndeshje të këtij niveli, sidomos duke pasur parasysh që luhet në mesjavë, çka e bën këtë sfidën më të ndjekur këtë sezon në çdo nivel, përfshirë edhe Premier League.
Ky rekord u favorizua nga fakti që vetëm “Old Trafford” dhe Wembley kanë një kapacitet prej më shumë se 65,000 spektatorësh mes impianteve angleze.
