Trajneri i Kombëtares së Anglisë, Gareth Southgate ka theksuar se lojtarët e tij bënë gabime të mëdha, por që sulmi u tregua shkatërrues.
Anglia e mundi sonte Kosovën 5:3 në Southampton, në garat kualifikuese për Euro 2020.
Ai tha se Kosova ka potencial të kualifikohet, ndërsa i porositi lojtarët që të jenë të kënaqur me ekipin e tyre.
I pyetur pas ndeshjes për lojë, Southgate tha se loja ishte e vështirë për shkak të gabimeve të shumta.
“Ishte lojë bizare vërtet. Kishte shumë gabime të tmerrshme për gola, por unë jam i kënaqur për lojën që treguam. Loja jonë në sulm ishte shkatërruese dhe luajtëm mirë me topin. Gabimet ishin të qarta, duhet të jemi më të mirë”, tha Southgate.
Grupit A i prinë Anglia, kurse Kombëtarja dardane bie në pozitën e tretë në grup me një pikë më pak se Republika e Çekisë.
