NATO ka nisur ditën e hënë një nga stërvitjet më të mëdha ushtarake në vendet baltike, në kulmin e tensioneve në rajon. Në këto manovra janë angazhuar trupa ushtarake nga 10 vende, duke përfshirë këtu Finlandën dhe Suedinë, të cilat shpallën zyrtarisht ambicien e tyre për të qëne pjesë e aleancë së atlantikut verior
Stërvitjet po zhvillohen aktualisht në Estoni, ku trupat e NATO do të qendrojnë deri më 3 qershor
NATO bën me dije se qëllimi i stërvitjes së planifikuar më herët në axhendë është të “rrisë gatishmërinë dhe ndërveprueshmërinë” e forcave të saj.
Rreth 15,000 trupa do të marrin pjesë në këto simulime ushtarake duke e bërë atë një nga stërvitjet më të mëdha të mbajtura në Estoni që nga viti 1991.
Një pjesë e trupave të NATO janë vendosur në kampin Adazi në Letoni, ku janë pozicionuar edhe ushtarët shqiptarë gjithashtu, e cila ndodhet 64 km larg bazës më të afërt ushtarake ruse.
Trupat shqipare shërbejnë në këtë bazë si njësi e demontimit të minave, mision i cili shënoi dhe ngjarjen e rëndë të dy viteve më parë ku humbën jetën dy ushtarakët shqiptarë Zarife Hasanaj dhe Klodian Tanushi.
NATO ka shtuar ndjeshëm prezencën e saj në vendet balltike ku janë dislokuar mijëra trupa dhe mjete të blinduara. Reagime të shumta vazhdojnë të vijnë nga Moska, e cila ka thënë më parë se zgjerimi i NATO-s do të kishte pasoja të gjera
