Një shpërthim i fuqishëm ka ndodhur sot në Turqi, në zonën Kulp të Dijarbakirit.
Sipas raportimeve të mediave turke, mësohet se një eksploziv, që dyshohet se është vendosur nga anëtarët e organizatës PKK, shpërtheu gjatë kalimit të një automjeti civil që transportonte punëtorët e pyjeve.
Ndërkaq, po në të njëjta raportime thuhet se në vendin e ngjarjes kanë mbërritur një numër i madh i ambulancave.
Gjithashtu në bazë të informacionit paraprak të policisë, si pasojë e shpërthimit kanë humbur jetën 4 civilë dhe 13 kanë mbetur të plagosur.
