Japonia i jep lamtumirën ish-kryeministrit Shinzo Abe, i cili u vra të premten, teksa mbante një fjalim elektoral. Mijëra qytetarë u mblodhën nëpër rrugë për t’i bërë ndërtimet e fundit 67-vjeçarit.
Makina me arkivolin e Abes kaloi pranë zonave të rëndësishme të kryeqytetit, nga selia e partisë së tij LDP te parlamenti, para se të mbërrinte në sallën ku u mbajt funerali.
Ceremonia private mortore, e zhvilluar në prani të miqve dhe familjarëve u zhvillua më herët në tempullin Zojoji. Rreth Tokios flamujt janë ulur në gjysmështizë, ndërsa jashtë tempullit një radhë e gjatë qytetarësh shtrihej përgjatë dy blloqeve, shumë prej të cilëve me buqeta lulesh në duar.
Disa luteshin, disa ishin në lot, ndërsa të tjerë thërrisnin “faleminderit” apo lamtumirë Abe. Homazhe u zhvilluan edhe mbrëmjen e së hënës ku morën pjesë qindra zyrtarë dhe japonezë të thjeshtë.
Abe ishte kryeministri që udhëhoqi më gjatë Japoninë e pas luftës dhe një prej politikaneve më me influencë.
Sipas policisë, agresori që e qëlloi me dy plumba teksa mbante fjalimin në qytetin e Naras, e kishte vënë në shënjestër për shkak të pakënaqësisë ndaj një grupi fetar, ku besonte se bënte pjesë edhe Abe.
Ngjarja përcolli valë shoku rreth vendit, ku episode të dhunës me armë zjarri janë ekstemisht të rralla.
