Shifrat nga porti i Durrësit tregojnë për një sezon të mbarë veror.
Mbi 50.000 persona më shumë krahasuar me një vit më parë kanë hyrë në portin e Durrësit deri në qershor të këtij viti.
Me emigrantët që kthehen në atdhe për pushime, fluksi tashmë është i përqendruar në hyrje.
Gazetarja e Euronews Albania Kloida Gjuzi tha se të dhënat e marra nga Autoriteti Portual flasin për një numër në rritje të hyrjeve nga ky port në vendin tonë. Vetëm gjatë fundjavës së shkuar u përpunuan 12 mijë pasagjerë nga të cilët 10 mijë vetëm në hyrje. Nisur nga fluksi në rritje nga ana e autoritetit portual po punohet me kapacitet të plotë.
Gjithashtu, nga 21 korriku tragetet kryejnë udhëtime vajtje-ardhje nga porti i Durrësit në drejtim të porteve italiane.
