Kina ka lansuar sot 11 raketa balistike Dongfeng në ujërat pranë brigjeve veriore, jugore dhe lindore të Tajvanit, ka pohuar ministria e mbrojtjes tajvaneze.
Sipas Sky News, lëshimi erdhi në disa valë, duke filluar pak para orës 14:00 me orën lokale dhe zgjatën rreth dy orë.
Ministria e Jashtme e Tajvanit ka thënë se aktet kanë kërcënuar sigurinë kombëtare të ishullit dhe kanë përshkallëzuar tensionet në rajon.
Ky vend i ka bërë gjithashtu thirrje komunitetit ndërkombëtar që të dënojë kërcënimin ushtarak kinez dhe që vendet të mbrojnë lirinë dhe demokracinë.
Ndërkohë në mediat sociale kineze janë postuar video që tregojnë një lëshim rakete drejt ngushticës së Tajvanit.
Ato u shpërndanë nëpër Weibo pa përcaktuar një vendndodhje të saktë, por disa përdorues thanë se ishin filmuar në ishullin Pingtan.
Njëra prej tyre është filmuar nga një plazh dhe tregon raketat duke u lëshuar.
E lidhur me zhvillimet e fundit atje, Dmitri Alperovitch, një ekspert në gjeopolitikë dhe siguri kombëtare, i është përgjigjur lajmit se Kina ka zgjeruar planet e saj për stërvitjet ushtarake.
Ai madje shkon aq larg sa sugjeron se masa tregon se Pekini po përgatit terrenin për stërvitje të mëtejshme – me synimin për një pushtim të mundshëm të Tajvanit.
“Kështu fillon…”, ka shkruar në fund ai.
